CM-in Anna Food Production a hawng

Chief minister Lalduhoma chuan nimin khan Luangmual Industrial Growth Centre-a Anna Food Production Industry a hawng a; Mizo ṭhalai, kutkawih eizawnna lama ti ṭhate tan sorkarin kawngka zau taka a hawn tur thu leh Hand Holding Policy hmangin ruahmanna ṭha tak siam a nih dawn thu a sawi.

Chief Minister chuan, Mizorama thil awm sa hmang ṭangkai thiam te, kut hnathawktute thar chhuah sâwngbâwl thiamte leh kutkawih eizawnna lama tui an mamawh thu a sawi a; Anna Food Production Industry thar hawn a ni chu lawmawm a tih thu sawiin, "Bawnghnute thartute tan industry ṭangkai leh an hlâwkpui tak ni ngei turin ka beisei che u," a ti.

Khualzahawm Agriculture minister PC Vanlalruata chuan, IGC-ah industry neitu an la tam loh avang leh a ti chhunte an hlawhtlin ṭhin avangin mi dangte pawh rawn lut zel se an duh thu a sawi. Anna Food Production dintu Daniel Lalawmpuia'n thu a sawi bawk.