MLA-in sikul hrang hrang a tlawh

Aizawl South-II bialtu MLA Lalchhuanthanga chuan nimin khan a bial chhung, Salem Venga Ayushman Bharat Health Wellness Centre, Vety Dispensary, Salem Veng Middle School, Salem Veng Primary School leh Ch. Chhunga High School-te a tlawh; thawktute nen an harsatna leh mamawhte an sawiho.

Lalchhuanthanga chuan, zirna leh hriselna a ngai pawimawh tih sawiin, "Thawktute harsatnate pawh sutkian a nih theih nan hmalak kan tum ang. Ṭha taka hna in thawh kan duh a, zirtirtu emaw, health lama thawktu emaw, mahni hna ṭha taka thawk peih lo chu action kan la zel dawn. Sorkar aiawha thawk kan nih angin ṭha tak leh mittlung takin kan thawk tur a ni," a ti.