LAD Minister-in officer-te a kawm

LAD minister C Lalsawivunga chuan nimin khan LAD Secretariat leh Directorate-a officer-te Secretariat conference hall-ah a kawm.

C Lalsawivunga chuan department hmalakna tura a hmathlir leh kalphung a duhdante sawiin, "Department hmasawnna tura theihtawp chhuaha lungrual taka hnathawh a pawimawh," a ti a, LAD hnuaia thawkte chu thahnemngai taka thawhpui atan a sawm.

Mipui tana theihtawp chhuaha hna thawh a duh thu sawiin LAD Minister chuan, dik tak leh fel taka thil ti a, rinawm taka thawk turin department officer-te chahin, "Dan pangngaiah ministry chu kum nga dan zela inthlak ṭhin a ni a, officer-te hi thawktu nghet zawk in ni," a ti.

Meeting hi LAD secretary Teresy Vanlalhruaii'n kaihruaiin, LAD director Rita Lalnunmawii Pachuau-in an department hnathawh leh mawhphurhna hrang hrangte a lem nen a sawifiah.