National School Band Competition-ah Mizo H/S Pipe Band Boys 3-na an ni

Nimin khan Maj. Dhyanchand National Stadium, New Delhi-ah National School Band Competition buatsaih a ni a, Mizo High School Pipe Band (Boys) chu pathumna an ni.

Mizo H/S Pipe Band Boys hi December 22, 2023-a Bhubhaneswar-a zonal band competition-ah pakhatna an nih angin, National School Band Competition-ah hian an tel a, India ram pumah pathumna an ni ta a ni. Pakhatna chu PM SHRI School Jawahar Navodaya Vidyalaya, Suratgarh, Sriganganagar, Rajasthan an ni a, pahnihna chu Andhra Pradesh Social Welfare Residential School, Arugolanu, West Godavari an ni.

National Band Competition-ah hian zone hrang hrang aṭanga thlan state 15 an tel a; Mizoram bakah, Andra Pradesh, Delhi, Gujarat, Himachal Pradesh, Karnataka, Kerala, Madhya Pradesh, Maharashtra, Odisha, Puducherry, Rajasthan, Sikkim, Tripura leh Uttar Pradesh-te an ni.

School Band Competition hi sorkar laipuia Ministry of Education-in Ministry of Defence nen thawkhoa kum tin an buatsaih ṭhin a ni.