Supply computerisation kalpui mek Mizoramin a sum tum tur a la pe lo

Mizorama buhfai lak luh leh mipui hnena sem thlenga thil kal vel dan computer-a chhinchhiahna, End to End computerisation of TPDS Operations Project atan cheng nuai 940 ruahman a ni a, sorkar laipuiin first instalment atan 60% a rawn pe tawh. Hetihlai hian Mizoram sorkarin a tum tur a la pe chhuak lo.

End to End computerisation of TPDS Operations Project hi FCI emaw, hmun dang emaw aṭanga buhfai lei aṭanga a dawngtu tur mipui hnen a thlen thlenga a kal kualna zawng zawng computer thiamna hmanga thlun zawm vekna tur a ni a; India ram pumpuia kalpui tura tih a ni.

End to End computerisation of TPDS atana sum hman turte chu Central-in 90% leh state sorkarin 10% a tum tura tih a ni a; Central-in a tum tur chu cheng nuai 846 niin, Mizoram sorkar tum tur chu nuai 94 vel a ni.

He hna hi Food Civil Supplies & Consumers Affairs (FCSCA) department-in thawkin, sorkar laipui ruahman angin consultant atan Wipro Ltd. hman niin, NIC software hmanga thawh a ni.

Sorkar laipui chuan first instalment sum nuai 60% (cheng nuai 507.6 vel) a rawn pe fel tawh a; Central sum pek tawh hmangin hna thawh mek zel a ni.

Project kalpui na turin NIC chuan software chi thum - SIMS, ERCMS leh FEAST-te an siam a, India ram state tam zawkah hman niin, state ṭhenkhat chuan anmahni siam an hmang thung.

End-to-End Computerisation hna hi kum 2012-2015 chhunga zawh tura tih a ni a, mahse, state hrang hrangah rokhawlhna a awm avangin kum 2017 thlenga thawh turin sorkar laipuiin a pawtsei tawh a ni.

Project-ah hian tih tur chi hrang hrang a awm a; godown digitisation and computerisation, ration card digitisation, transpa-rency portal siam, online allo-cation of food grains leh supply chain managemant-te a huam.

FCSCA department hotute chuan, online allocation of food-grains leh supply chain management tih loh chu an thawk zo tawh a, rah ṭha a chhuah mek niin an sawi.

Zawh fel hunah chuan kum khat chhungin sorkarin sum tam tak a hlêp thei dawn a, thil dik loa tih ṭhinte thui tak veng thei tura ngaih a ni.

Mizorama Supply centre (kudam) zawng zawng chu computer hmanga thlun zawm vek tawh a ni a; technical assistant leh centre in-charge-te sorkarin training a pe vek tawh a, an huam chhunga kudam ṭheuhah computerisation atan an inpeih tawh a ni.

Hetih lai hian, National Food Security Act (NFSA)-in a phût angin, State Food Commission (SFC) din tur a ni.

Tunah chuan Mizoram Information Commission office chu SFC atan sorkarin a ruat rih a; SFC tak tak din a nih hmaa thubuai leh ṭul dang ngaihtuah tur a awm chuan MIC office-in hma an la rih dawn a ni.

PDS Control Order 2015 leh The Mizoram Food Security Rules, 2015-in a sawi angin, Mizoram sorkarin ration card a siam thar chu PDS hnuaia buhfai lakna atan bak thil dangah hman theih a ni dawn lo a; March 30, 2016 khan FCSCA secretary chuan hriattirna a chhuah. NFSA hnuaia dân siam tur reng reng chu Assembly House-a pharh zel phawt tur a ni.

End to End Computerisation hnuaia Transparency Portal (website) www.mizorampds.nic.in siam tawh niin, Mizorama ration card dinhmun en theih tura dah a ni. Ziah luh thar leh paih a awm pawhin, automatic-in a inchingfel (update) nghal zel niin an sawi.

Website-a tarlan danin, Mizo-ramah ration card hmangtu (bene-ficiary) mi 12,17,291 an awm mek a, DCSO pakua hnuaiah ration card 2,46,991 a awm mek.

Saiha DCSO hnuaiah mihring leh ration Card tlem berin, ration card 15,109 leh hming chuang 77,845 an awm a; Aizawl East DCSO huam chhungah tam berin, ration card 45,188-ah mi 2,32,048 an chuang a ni.

Mizorama ration card awm zat

(February 23, 2016 angin)

DCSO           AAY       PHH          Total             NFSA        Non-NFSA

Aizawl 'E'    4,010     19,613       23,623          20,353           43,976

Aizawl 'W'   3,326     18,379       21,705          19,149           40,854

Champhai   3,643     14,370      18,013           11,889           29,902

Kolasib       2,346      8,087       10,433           10,539           20,972

Lawngtlai   2,237      7,351        9,588            7,473             17,061

Lunglei      4,121      19,607      23,728           17,256           40,984

Mamit        1,879      9,093       10,972            7,467            18,439

Saiha         2,265      6,166        8,431             6,646            15,077

Serchhip    1,960      8,424       10,384            6,870             17,254

TOTAL     25,787   1,11,090    1,36,877       1,07,642      2,44,519

Mizorama ration card-a hming awm zat

DCSO           AAY         PHH          NFSA           Non-NFSA.       TOTAL

Aizawl 'E'    13,581     1,02,036    1,15,617        1,17,411       2,33,028

Aizawl 'W'   11,245     89,134       1,00,379        99,530          1,99,909

Champhai   12,030     75,847       87,877           63,815         1,51,692

Kolasib        7,345     42,040       49,385             47,334         96,719

Lawngtlai    7,507     40,020       47,527            40,879          88,406

Lunglei       11,478    96,700       1,08,178          84,529        1,92,707

Mamit         5,568     49,918       55,486             39,184         94,670

Saiha          7,170     33,631       40,801            37,033         77,834

Serchhip     6,972     43,021       49,993            35,833           85,826

TOTAL       82,896  5,72,347     6,55,243      5,65,548      12,20,791