Building sak mek sawisel

Mission Veng market building sak mek chu, a ban a kawih vangin a awmna Mission Veng YMA South Branch chuan sa chhunzawm lo turin contractor-te an ngen.

Market building hi NEC aṭanga sum hmuh cheng nuai 598.41 senga sak zawh tur a ni a, NEC-in 90% leh Mizoram sorkarin 10% a tum ang.

Mission Venga con-tractor pakhat hming hawhin mi pathumin an sa a, vil uluk loh vangin a sak a chhe hle niin YMA hruaitute hnen aṭanga thudawn a ni.

Building satute hian vai mistiri hnenah a hlui ṭhiah leh a thar sa turin an pe a, vil ṭhat a nih loh bakah zanah te an sa a, a thlang lam ban a kawi nasa hle a, ban kawi chu thup tumin chhah taka plaster leh a ni. Hetiang a nih vang hian YMA chuan complaint a thehlut a ni.