Assam-a inthlan neih tur chungchangah Kolasib leh Hailakandi thuneitute inkâwm

Assam Assembly inthlan thawh khatna, vawiina neih tura venhimna leh inthlan kaihhnawih thil ṭul dangte sawiin April 1, 2016 khan Kolasib DC H Lalengmawia leh Hailakandi-a sorkar hotute Manipur Tea Estate, Kaltichherra, Hailakandi-ah an inkâwm.

Meeting kaihruaitu, Barak Valley and Hill Areas DC Dr AU Chowdhuri chuan, Assam Assembly inthlan turah ramri in-ṭhenawmte thawhho a ngaih thu a sawi a, "Inthlan hi national thil a nih avangin state ṭhenawmte inpuih tawn hian Election Commission of India duh dan a ni," a ti.

Katlicherra Assembly biala polling station pahnih chu Assam aṭanga kal a buaithlak vangin Mizoram aṭanga luh a remchang zawk a; Dr AU Chowdhuri chuan Kolasib DC leh Mamit DC puihna a mamawh thu sawiin, theihtawp chhuahpui turin a ngen a ni.

Kolasib DC H Lalengmawia chuan, ramria awm ve ve an nih angin thawkho tur an nih thu sawiin, "Kawng engkimah puih che u kan inhuam a ni," a ti a; ramri-ah harsatna awm tawh lo se a duh thu a sawi.

Inkawmnaah hian Kolasib DC hi Kolasib SP C Lalzahngoa, 1st. IR Bn. dy. commandant Lalbiakkila leh SDC Lalhmingliana ten an ṭawiawm a ni.