Leimin thianfai

April 1, 2016 zan dar 8:30 vel khan Ngaizelah kawng chhak minin kawngpui a hnawh ping a, nimin khan lirthei kal theiha thenfai a ni. Leimin hi Inrinni khan PWD-te'n nilengin thenfai hna an thawk a, zawh hman a nih loh avangin nimin khan chhunzawm lehin, lirthei chi tin kal theihin an thianfai a ni. PWD hotute chuan, Ngaizel khâm phei kawngpui chung lamah lei leh lung tla a awm deuh reng tih sawiin, mipuite fimkhur turin an chah a; zan riaka lirthei dah turte pawh an dahna hmun fimkhur turin an chah bawk. Hetih lai hian, Zemabawk dáiah NH-54 kawngpui pawh leiminin a hnawh ping a, mahse lirthei kal theihin an titlang tawh nia thu dawn a ni.