MDC-te hriatrengna lungphun hawng

Mizoram District Council member ni tawhte hriat-rengna lungphun, Mizoram Legislative Assembly building tuala siam thar chu Inrinni zing khan Assembly speaker Hipheia'n a hawng.

Hiphei chuan, MDC-te hriatrengna lungphun a ni thei chu lawmawm a tih thu sawiin, lungphun siam tura sûlsutu zawng zawngte lawmthu a hrilh.

Law & Judicial minis-ter Lalsawta pawhin thu sawiin, Mizote chu tun hma chuan lal rorel-na hnuaiah awmin, an ngaihtuahnaa awm chawp ṭha tih zawng leh ṭha lo tih zawng angin ro an rel ṭhin niin a sawi a, "Democracy dan anga mipuiiin ro an rel ta hi a tirah chuan a mak viau mai thei. Mahse, mipui leh roreltute inzir zelin, kan ram rorelna atana ṭha tur angin dan an siam chho zel a ni," a ti. Lalsawta hian ex-MDC sou-venir a tlangzarh nghal.

MDC hlui leh Lok Sabha MP ni mek CL Ruala pawhin thu sawiin, "District Council-ah khan rorelin Mizote awm dan tur an lo duang ṭhin a, term thumna lai kha rambuai lai a nih avangin inthlan a theih loh a, kum riat ngawt rorelna chelh tlang a ni," a ti.

Mizo District Coun-cil-ah kan member ni tawh 78 an awm a, chung zingah chuan mi pasarih - C Chhunbura, CL Ruala, Mehlai Hlychho, RC Thanga, PC Saprema, Thang-chungnunga leh ZV Lalmawia te an la dam a ni.