Kum 5 chhungin sorkar aṭangin ZIDCO-in cheng nuai 976.9 a dawng MIFCO-in cheng nuai 2106.4 a dawng

Mizoram sorkarin chei ṭhat tura a tih ZIDCO chuan kum 2011-2016 chhungin Mizoram sorkar aṭangin cheng nuai 976.9 an dawng a, hemi hun chhung vek hian cheng nuai 1698.9 an thawk chhuak. Sorkarin mimal kuta hlan a tum MIFCO chuan kum 2011-2016 chhungin cheng nuai 2106.4 sorkar aṭangin an dawng a, hemi chhung vek hian nuai 1775.5 an thawk chhuak.

MNF member Lalruatkima zawhna Industries minister H Rohluna'n a chhan danin, ZIDCO hian zu an zawrhna aṭangin Fenruary 29, 2016 thleng khan Rs. 1,91,04,827 an hmu tawh a; MIFCO chuan sorkar kum liam ta thleng khan cheng nuai 200 vel an hlêp theih beisei a ni.

ZIDCO hian cheng nuai 2636.25 leibá an nei mek a, hetih lai hian an loan pek chhuah la rulh lo Rs. 48,51,44,637 a awm. MIFCO chuan leibá Rs. 2,48,71,870 an nei a, hei hi mimal hnena an bat Rs. 2,29,09,493 leh pawl hnena an bat Rs. 19,62,377 a ni.

ZIDCO leh MIFCO thil neih hlut zawng

ZIDCO thil neih           A hlutna

Administrative building at Secretariat Complex Rs. 3,00,00,000

Liqour Shop at Millennium Centre Rs. 64,00,000

Integrated Infrastructure Development Centre Rs. 3,56,21,000

MIFCO thil neih A hlutna

Food Processing Plant at Sairang Rs. 1,93,00,000

Pork & Poultry Processing Plant at Zemabawk Rs. 1,53,00,000

Fruit Juice Concentration Plant at Chhingchhip Rs. 5,08,00,000

Mizoram Food Park at Chhingchhip Rs. 5,22,00,000