NCM member-in Kolasib a tlawh

National Commission for Minorities (NCM) member, Capt. Praveen Davar chuan Inrinni khan Kolasib a tlawh a, DC H Lalengmawia hoin official-te'n Cir-cuit House-ah an lo dawngsawng.

Capt. Praveen Davar chuan, sakhaw tênau zawkte hmakhuana leh hamṭhatna atana kalpui mek Prime Minister's New 15 Point Programme for the Welfare of Mino-rities chungchang offi-cial-te a sawipui. He mi hnuaia ruahmanna hrang hrang an kalpui mek te, a huam chin leh harsatna an neihte a zawt a, hriat belh duh an neihte chu April 15, 2016 hmaa a hnena ziaka thlen turin a hrilh.

Delhi aṭanga lo zin
ṭhinte'n state capital an tlawh mai chu an duhtawk ṭhin tih sawiin Praveen Davar chuan, "District kilkhawr leh field-ahte kal hian thil kalphung leh nunzia a takin a lang ṭhin," a ti.

Official-te a kawm zawhah Praveen Davar hian Kolasib district-a sikul pasarih aṭanga thlan zirlai 140-te tan St. John's Higher Secondary School-ah Jawaharlal Nehru-a chungchangah written quiz competion a neihpui a ni.

Capt. Praveen Dayar hian Zirtawpni khan Aizawl a rawn thleng a, State Guest House-ah Mizoram sorkar mi pawimawhte kawmin, PM’s New 15 Point Prog-ramme leh Multi Sec-toral Development Pro-ject (MSDP) kaltlanga hmalakna hrang hrang a sawipui nghal a ni.