Hun tiam chhunga chhuak turin hrilh

Kolasib DC H Laleng-mawia leh SP C Lalzah-ngoa-te chuan, April 1, 2016 khan Bairabi rel chawlhhmun huam chhunga chêng mek chhung-kaw 18-te chu Bai-rabi Police Station-ah a kâwm a; sorkar thuchhuak angin, April 30, 2016 ral hma ngeia an awmna hmun aṭanga inthiar chhuak turin an ngen.

H Lalengmawia chuan, rel chawlhhmun bula chhungkaw 18-te'n an luah mek chu Bairabi rel chawlhhmun huam chhung, Railways ram a ni tih a sawi a, "Railways lamin rel chawlhhmun zauhna atan kutthlak an duh tawh avangin chhungkuate hi inthiar chhuak tura tih an ni," a ti.

Kolasib DC sawi danin, Railways-in chawlh-hmun bula awm bazar pawh insawn chhuak turin an ti a, mahse bazar chu Railways leh mipui mamawhna a nih avangin ṭhiat lo turin inremsiam tawh a ni.