PYD Gen. Conference a ṭiak

UPC North East India pum huap Penticostal Youth Department (PYD) General Conference vawi 38-na, March 31, 2016 zana Saiha Higher Secondary School complex-a ṭan chu nizan khan a ṭiak.

PYD General Conference-ah hian April 1, 2016 khan rorel inkhawm neih a ni a; kum 2018-a General Conference nghahna atan North Mizoram District an thlang a, kum 2016 kumpuan atan 'Intodelh' tih an thlang.

PYD Conference-ah hian thupui chu 'Lalpain a duh a ni' tih a ni a, Inrinni zan thlenga palai inhriattir tawh chu mi 2,417 an ni. Report-a tarlan danin, hmarchhak pumah PYD member 19,933 an awm.