MLA-te'n V/C-te hnathawh enfiah

Committee on Local Fund Accounts chuan nimin khan an chairman John Siamkunga, MLA hoin Airfield, Tuirial, Seling, Thingsul Tlang-nuam leh Sesawng khuate an tlawh a; village council-te'n 13th Finance Commission aṭanga sum an dawnte khawtlang tana an hman dan an enfiah.

Committee hian van-tlang tana an hmalakna hrang hrang - kea kal-na, tuizem, lungrem (retai-ning wall), lei leh thlân-mual kawng siam hna an thawh dante a hmunah enin, sum sên nen a inmil em tih an enfiah a; auditor-te'n an sum hman dan leh account vawn dana sawiselna an neihte an zawtfiah nghal.

Committee chuan, V/C-te chu mipui sum hman kawngah fimkhur a ṭul thu hrilhin, account-te uluk taka vawng ṭhin turin an chah.

V/C-te hnathawh en-fiah-naah hian chairman John Siamkunga bakah, member-te - R Vanlal-vena, Lalthanliana leh Lalrinawma te an kal a; Aizawl DLAO Lalrohlua leh Assembly officer-te'n an ṭawiawm a ni.