KHAWTHLIR

CM thilpek hlan

Counter Insurgency and Jungle Warfare School (CIJWS) commandant, Maj. Gen. MS Ghura chuan, Pathianni zan khan chief minister Lal Thanhawla chu a chenna banglaah a hmu a, CM-te nupa hnenah duhsakna thilpek a hlan.

Zawhfiah theih

Chibing leh sakhuana vanga inngeih lohnate leh innghirnghona tireh tura remna palai hna thawk ṭha bikte hnena lawmman pek ṭhin, Kabir Puraskar 2016 chu kumin October 2-ah hlan a ni dawn a; Kabir Puraskar chungchanga hriat chian duh neite tan Home department deputy secretary hnenah zawhfiah theih a nih thu Mizoram sorkar thuchhuah chuan a tarlang.

Sub-centre 32

Border Area Development Programme (BADP) sum hmangin Mizoram hmun hrang hrangah Health sub-centre 32 sak a ni tawh. Health sub-centre 32 sakna atan hian cheng nuai 199.25 sen a ni.

Bawng vulh training

Krishi Vigyan Kendra (KVK), College of Veterinary Sciences & Animal Husbandry, Central Agriculture University, Selesih chuan March 28 - April 2 chhung khan an hmunah bawng vulhtute tan training an buatsaih a, thil pawimawh hrang hrang an zirtir.

Marboat hawng

Tuipui Darzo kaia service tur BRTF marboat chu 24 BRTF chief engineer KK Razdhan chuan April 2 khan a hawng. Marboat hi metric ton 24 phur thei tur niin, meter 18-a thui leh meter 10-a zau a ni a, cheng nuai 52 sênga siam a ni.

Bandh siam tintuah

MZP Sub. Headquarters, Thenzawl chuan Thu-chhuah siamin, April 15 hma ngeia Thenzawla SDO dah an phut a, an thil phut hi a hlawhtlin loh chuan April 18 ah Thenzawl sub division huam chhunga zirna in leh sorkar pisa khar vek an tum a, a hlawhtling lo zel a nih chuan April 20 ah total bandh huaihawt an tum.