Tlabung MZP-te'n pisa kái tur an dang

Tlabung damdawi-ina thawktu hrang hrang hmun ruak hnawh khah leh thawktu pek belh phût nan, nimin khan MZP sub-headquarters, Tlabungte chuan Health de-partment-a SMO leh a hnuaia thawkte pisa kái tur an dang.

Tlabung MZP tarlan danin, Tlabung damdawi-inah hian x-ray technician, pharmacist leh dental surgeon-te awm loin, post a ruak a; post ruak hnawh khah phût nan tukin nimin zing dar 7:30 aṭangin damdawi-in kawtah MZP member-te an pung khawm ṭan a ni.

Tlabung MZP hruaitute chuan Tlabung damdawi-ina Senior Medical Officer pisa kái tur chu an thil phût hrang hrangte an lo hrilh a; a hnuaia thawktu hrang hrangte pisa kai tur pawh hun eng emaw chen an dang a ni. Damdawi-in OPD erawh chu dan pangngaia kalpui a ni thung.

Lungawi lohna an lantir chhan hrang hrangte chu thuneitu sang zawkte hnenah SMO-in thlen a tiam avangin, chawhma dar 10 velah MZP-te chuan pisa kai tur an dan chu an titâwp a ni.

Tlabung MZP-te chuan, Tlabung damdawi-in chu kum 1872-a din, Mizorama damdawi-in hmasa ber a ni tih sawiin, post ruak hnawhkhah an phût bakah, medical officer leh staff nurse pek belh an phût tih an sawi.