ITI Veng YMA-in kutthlaktute hrem an phût

ITI Veng branch YMA chuan thuchhuah siamin, April 1, 2016 zan dar 9:30 vela Hualngohmun leh Melthum inkara dak-inpui driver Vanroliana, ITI Veng leh mail guard K Lalhmunsiama, Chanmari West-te kutthlak rawn an ni chu an dem thu leh, kutthlaktute hrem ngei an phût thu an tarlang.

ITI Veng YMA thuchhuah tarlan danin, Vanroliana leh K Lalhmunsiama te hi mail van-in Lungleiah dâk lain an kal a, Aizawl pana an haw lam chu April 1 zan dar 9:30 velah Hualngohmun leh Melthum inkarah private car-a chuangte'n an khawih rawn a ni.

Vanroliana chu a lu-ah hliamin, nikhaw hre loin a awm a, Synod Hospital-ah enkawl mek a ni. K Lalhmunsiama pawh an khawih hnuah kawng thlangah an paih bawk. Buaina hi Tuipang-L a Lunglei sub-headquarters YMA conference hmanga zin haw Central YMA general secretary Lalhmachhuana ten an nangching a, nunna thâpin an ṭhelh nia sawiin, an chungah an lawm thu an sawi.

ITI Veng YMA chuan, an member Vanroliana leh a thawhpui K Lalhmunsiama ten misual kut an tuar chu an hrethiam lo tak zet tih sawiin, "Kan member pawisawi loin chhan leh vang pawh awm loa kut na taka a tuar hi kan la na tak zet a ni," an ti.