'Kawtchhuah 2024’ buatsaih ṭan a ni

Labour, Employment, Skill Development & Entrepreneurship (LESDE) department chuan Industrial Training Institute (ITI) auditoriun-ah nimin aṭang khan ITI aṭanga zir chhuakte bul ṭanna tura sumdawnna tur ruahmanna nei ṭha intihsiakna, 'Kawtchhuah 2024’ an buatsaih ṭan a, LESDE secretary Lalramsanga Sailo-in a hmanpui.

Intihsiakna hi January 25, 2024 thleng neih tur a ni a, Ministry of Skill Development & Entrepreneurship (MSDE) hnuaia Skill Strengthening for Industrial Value Enhancement (STRIVE) project hnuaiah buatsaih niin, mi 30 an tel. A ti ṭha thlan chhuahte'n Rs 1,00,000 ṭheuh an dawng dawn a, a pumpuiah lawmman atan Rs 15,00,000 dah a ni.

Lalramsanga Sailo chuan, LESDE department-in Kawtchhuah 2024 a buatsaih chu mahni kutkawih leh themthiamna hmanga eizawnna bul ṭanna chawi lârna tura ruahman a nih thu a sawi a, "ITI aṭanga zir chhuak tawhte an kal zelna tur kawng sah kuakpui a, tiphûrtu leh chona thar petu atan programme hi duan a ni," a ti.