PC party office thar hawng

Peoples' Conference (PC) party-in pisa an sak thar chu nimin khan PC president Vanlalruata'n a hawng a, Aizawl bishop Most Rev. Stephen Rotluanga'n Pathian hnenah a hlan.

Vanlalruata chuan, a duh apiang tan PC party-ah hmun a awm thu a sawi a, "MP inthlan awm turah hian candidate ṭha tak neiin kan ram, kan hnam leh kan sakhaw himna turin hma kan la dawn," a ti.

PC treasurer HK Liansawta sawi danin, an party pisa kum 1982-a sak tawh chu kum 2023 tirah an ṭhiat a, ṭhiah a nih hnuah RCC-in in thar an sa ṭan nghal a ni.