Japan-a nurse hna thawk tur thlah

Labour, Employment, Skill Development & Entrepreneurship (LESDE) secretary Lalramsanga Sailo hoin January 22, Thawhṭanni khan LESDE conference room-ah Mizo ṭhalai, Japan rama nurse hna thawk tur mi paruk thlahna hun hman a ni.

Japan leh India sorkarin thawhhona thuthlung an siam angin Mizo nula parukte hian Ministry of Skill Development hnuaia NSDCI, Delhi-ah thla 9 chhung Japanese ṭawng an zir a; Japanese company hnuaia hna hmu tawh, batch hmasa ber an ni. January 26, 2024-ah Delhi an pan dawn a, Delhi aṭangin Tokyo an pan leh ang.

Sorkar thuchhuah tarlan danin, mi parukte bakah hian hna hmu tawh, visa la buaipui mek eng emaw zat an la awm a; Japanese ṭawng a thlawna an zir bakah, Japan rama an kalna senso zawng zawng tumsak an ni. Ram danga hna thawk duh tan phone number 9856735845/9612883303 leh LESDE Directorate-ah ngaihven theih a ni.