SSA zirtirtute'n CM an kâwm

Chief minister Lalduhoma chu nimin khan a pisaah Mizoram SSA Teachers' Association hruaitute nen an inkâwm a, SSA zirtirtute harsatna tawhte an sawiho.

CM Lalduhoma chuan, SSA zirtirtute harsatna tawh chu a changtu department hotute a sawipui tur thu leh engkim inring tawn taka kalpui ṭha a tih thu a sawi a; Mizoram SSA Teachers' Association-in kum liam taa Mizoram sorkar laka thubuai an thehluh mek chu hnukdawk tur leh sorkar tharin thinlung tharin an dinhmun a ngaihtuah dawn thu a hrilh.

SSA zirtirtute dinhmun siamrem an tum dan leh zirna kawnga sorkar policy tlangpuite sawiin Lalduhoma chuan, an harsatna thlente chu a changtu department hotute a lo sawipui tur thu a hrilh bawk.

Mizoram SSA Teachers' Association hruaitute chuan Mizoram sorkar laka thubuai an thehluh chungchanga Chief Minister ngenna te chu rang taka an lo ngaihtuah tur thu an sawi a ni.