KV-ah lemziaka intihsiak buatsaih

Kendriya Vidyalaya (KV), Aizawl chuan sorkar laipuia Ministry of Education thuchhuak angin nimin khan an sikulah lemziaka intihsiak an buatsaih a, sikul hrang hrang aṭangin naupang 100 an tel.

Intihsiakah hian thupui chu 'Netaji Subhash Chandra Bose' tih leh, 'Aditya L-1' tih a ni a, St. Paul's HSS zirlai H Malsawmdawngzuala pakhatna a ni a, Mizo High School zirlai Zothanpari pahnihna niin, Vasty Lalvenpuii, Aizawl North H/S chu pathumna a ni.

Endiktu atan Aizawl Art Gallery neitu Lalṭanpuia, SS Art Gallery neitu Saitluanga Sailo leh Noah's Foundation School-a art teacher K Lalrindika an hmang a; intihsiaka tel zawng zawng hnenah 'Exam Warriors' lehkhabu pek a ni.