BSF-in medical camp buatsaih

Border Security Force (BSF), 163 Battalion chuan nimin khan Kawrpuichhuahah ramri chhehvel mipui tan a thlâwna inentirna an buatsaih a, Aizawl aṭangin BSF deputy inspector general KK Majumdar-a'n a hawng.

BSF DIG KK Majumdar chuan, ramri bul hnaia cheng mipui chu an hriselna dinhmun chawikanna tura medical camp huaihawt hmang ṭangkai turin a chah a; BSF chu ramri véng tur chauh an ni lo a, ramri hnaiha awm mipuiin kawng hrang hranga hma an sawn theihna tura dâwm kângtu an nih thu leh, mipui nen thawhhona ṭha tak neih an duh thu a sawi.