Science & Technology dept-in nitin Khaw awm dan hriattirna chhuah

Science and Technology Department-a State Meteorological Centre hotute chuan, Mizorama sik leh sa dinhmun an vil reng a, ni tin khaw awm dan leh a kimchang department hrang hrang leh mipui hnenah an pe chhuak ṭhin tih an sawi.

State Meteorological Centre-a hotute'n Vanglaini palai an hrilh danin, State Disaster Ma-nagement-a chief scien-tific officer chu weather observer a ni a, chu chuan ni tin khaw awm dan leh a kimchangte sorkar department hrang hrang leh mipui hnenah an pe chhuak ṭhin. Tun hnaia ni tin report an tihchhuah pawh thil thar ni loin, dan pang-ngaia an tihchhuah a ni.

State Meteorological Centre hian India Meteo-rological Department (IMD) ráwn lo leh phal-na loin mipui hnenah inrálring tura hriattirna (warning) an pe ngai lo a; thlipui (cyclone) emaw, ruahsur nasa lutuk tur ang chi, mipui inrin lâwk ngai chi-ah sorkar laipuiin mipuite hriattirna a tichhuak tur a ni.

State Meteorological Centre-a hotute chuan, tun hnaia social media vela April 4-6, 2016 chhungin cyclone tleh tur anga sawi chu a dik tâwk lo tih an sawi a; darkar khata km. 60 vela thli tleh chu thlipui (cyclone) ni loin, ṭo thli ang pangngai a ni a, hlauhthawn tur a awm loh thu an sawi bawk.