ILO hotute Mizoramah an lo kal

Mizoram sorkarin NLUP kaltlanga a thawhpui mek zinga pakhat, International Labour Organisation (ILO) aṭangin Decent Work Team for South Asia and Country Office in India hotute chuan Mizoram an rawn tlawh mek.

Nimin khan CS conference room-ah NLUP nodal departmentm, Agriculture minister R Lalzirliana hoin official-te nen an inkawm a, hna thawh zel dan tur an sawiho.

Agriculture Minister hoa meeting chuan, ṭhalaite hna thawk thei tura buatsaih te, hna thawh tur siamsak leh hmasawnna ruangám dinna tura ILO-in rawtna a neihte chu uluk takin an thlir a; Core Committee-in policy framework a duang ang a, chu chu sorkarin a ṭul angin a bawhzui dawn a ni.

Agriculture Minister hoa meeting neih a nih hma hian chief secretary Lalmalsawma hoin ILO aiawhte an inkawm a; DEFT Advisory and Research Pvt.Ltd, director Partha Ba-nerjee chuan Mizoram din-hmun zirchianna an lo neih-te leh rawtna an neihte a sawifiah. Ṭhalaite'n hna ṭha an thawh theihna tura thiamna pek leh an theihna ti-pung tura zirtir leh kawng kawhhmuh dan turte an zirho nghal bawk.

Meeting chuan Core Committee din ni se, a ti a; Chief Secretary kaihhruaina hnuaiah skill development kaihhnawih department secretary-te nen Core Committee chu din tura ruahman a ni.