Minister-in PWD hmalakna a enfiah

Minister Lal Thanzara chuan Thawhṭanni khan Mizoram PWD hnuaia hmalakna, Hnathial-Haulawng (via Zotuitlang) kawng laih leh Tuipui-D (Dar-zokai) lei dawh mek a tlawh a, hna-thawh dante a enfiah.

Hnahthial-Haulawng (via Zo-tuitlang) kawng laih hna hi January 29, 2016-ah thawh ṭan niin, NLCPR Phase-I (km. 12) siamna tura senso tur zat chu cheng nuai 1515.75 a ni a, January 29, 2019-a thawh zawh tura tih a ni. Phase-I zawh a nih hnuah NLCPR Phase-II (km. 34) hnuaia sanction Rs. 63,02,38,000 sêngin hna chhunzawm a ni ang.

Tuipui-D lei dawh hna chu November 19, 2012-ah hna thawh ṭan niin, April 30, 2016-ah zawh theih beisei a ni. Lei dawh thar hi a sei zawng ft. 200 leh a vâng metre 3.90 tur a ni a, maxi-cab/pick-up full load dâwl zo tura duan a ni.

Health minister ni bawk Lal Thanzara hian Hnahthial Hospital leh Tuipui-D Health Sub-Centre a tlawh nghal a; thawktute'n an mamawh an thlente chu tih-hlawhtlin a nih theihna atan theih-tawp a chhuahpui tur thu a hrilh.

Minister hi PWD superin-ten--ding engineer C Lalchhuana leh executive engineer (Roads) Lalchhuana bakah, Health depart-ment hotute'n an ṭawiawm a ni.