Loneitute insurance scheme zirtir

Nimin khan Saiha, Khawzawl leh Hnahthialah Prime Minister Crop Insurance Scheme (PMCIS) chungchang lo neitute hrilhfiahna hun buatsaih a ni.

Hnathialah chuan awareness campaign hi KVK auditorium-ah buatsaih a ni a; khuallian, minister Lal Thanzara chuan, "Kut hnathawktute'n khuarêl chhiat-na an tawh palh pawha bei-dawnga an indawm kun mai lohna tur leh hma an lak chhunzawm zel theihna turin PMCIS hi siam chhuah a ni," a ti a; scheme hnuaiah hian buh leh bâla chhiatna tâwkte zangnadawmna pek theih a nih thu a sawi.

Awareness campaign hi Saihaah chuan DC conference hall-ah buatsaih a ni a, MADC CEM RT Zachono-in a hmanpui. KVK Saiha district chuan khaw hrang hranga thlai chînna lei (soil) an endikna result chu loneitute hnenah an sem nghal a ni.

Khawzawlah chuan Champhai DC Vanlalngaihsaka hoin Electric Veng YMA hall-ah hun hman a ni. Champhai DC chuan, "India ram mipui tam zawk chu kut hnathawka eizawng an ni a, a tam zawk chu ruah leh sik leh sáa thlai thar ṭhat leh ṭhat loh innghat an nih avangin, khuarel chhiatna leh thil dang avangin loneituten harsatna an tâwk ṭhin," a ti a; loneitute harsatna sutkianna atan PMCIS duan a nih thu a sawi.