Postal-a thawkte'n kut inthlak an dem

All India Postal Employees Union, Joint Council of Action, Mizoram Division chuan thuchhuah siamin, March 31, 2016 zan dar 8-9 inkar vela Postal department dâk phur Lunglei aṭanga Aizawl lam pantu, driver Vanroliana, ITI Veng leh mail guard K Lalhmunsiama, Chanmari West-te thichhâwnga misualin an sawisa leh motor an tichhia chu pawi an tih thu an tarlang.

AIPEU chuan, mail guard K Lalhmunsiama chu pistol káwmin an chhu ngei nia sawiin, "Kawng thlanga an nam lum hnu pawhin ‘Kap rawh u’ tiin an ṭawng a ni," an ti.

Kutthlaktute chu man chhuah theih nia an hriat thu sawiin, "Police-te hian man chhuakin, an phûtâwk hremna an pek ngei kan phût tlat a ni," an ti bawk.