World Health Day-ah a thlawna inentirna

Vawiin April 7 hi World Health Day a ni a, Mizoramah pawh hman a ni dawn.

Kumina World Health Day thupui chu Asia chhim-chhak atan ‘Prevent. Treat. Beat diabetes’ (Zun-thlum - Inveng la. Inenkawl la. Hneh rawh) tih a ni.

Health departmemt chuan thu-chhuah siamin, zunthlum chu a la vei lo tan 90% pumpelh theih a nih thu an tarlang.

World Health Day-ah hian NPCDCS, Mizo-ram bultumin sorkar hospital leh CHC hrang hranga NCD Clinic-ah a thlawna zunthlum leh blood pressure endik rûnpui 'Free Diabetes & BP Screening' an huaihawt dawn. Aizawl Civil Hos-pital auditorium-ah hun hman a ni bawk ang.

Health depatment thuchhuah chuan, zun-thlum chu a la vei lo tan 90% a pumpelh theih tih tarlangin, "A vei tawh tan pawh taksa a khawih chhiat loh nan a thunun theih. Thau mawm, thlum leh chi al ei tlem a, thlai leh thei ei tam a pawimawh. Exercise ni tin minute 30 tal lâk ṭhin te, vaihlo laka fihlim te, doctor râwn anga damdawi ei ṭhat te, thisen endik fo te, doctor suak laka fimkhurte a pawimawh hle," a ti.