Larsapin Lungleia sorkar hotute kâwm

Governor Lt.Gen. Nirbhay Sharma chuan, nimin khan Lunglei Circuit House-ah Lunglei bawrhsap Abhijit Vijay Chaudhari leh sorkar de-partment hotute a kâwm.

Larsap chuan, sorkar hmalakna zingah a bik takin Rural Development, Health, Education, UDPA, PHE, PWD leh bank-te hnathawh chungchang hriat a duh thu a sawi a; department official-te'n sorkar ruahmanna kalpui mek leh hnathawh dante an tarlang.

Governor chuan mee-ting-a tel ve Assam Ri-fles, BSF leh Mizoram Police hotute chu ṭha-laite hmakhua ngaia infiamna leh anmahni chherna kawngah sorkar department-te leh khaw-tlang hruaitute nen inpawh taka thawkho tura a duh thu a hrilh.

Sorkar offcial-te chu Lunglei district-ah hnam tênau Chakma leh Bru-te pawh an awm avangin inunauna leh in-pumkhatna rilru pû a, chibing ang zawnga inthliarna awm loa thawk-ho zel turin Lar-sap chuan a fuih bawk.

Nirbhay Sharma hian nimin zing khan Hrang-chalkawna TNT hmun a tlawh a, pawisa leh ṭan-puina dang a hlan. TNT-ah hian fahrah, rualbanlo leh ruihlo ngai 153 an awm mek a ni.