Police-in scooty rûk chîng mi 3 man

Aizawl Police Station-a police-te chuan March 5, 2016 khan scooty rûk chíng nia hriat mi pathum an man a, an scooty ruk tawh pathum an hmu chhuak bawk.

Police thuchhuah tarlan danin, scooty rûk chíng an mante chu - Andrew Vanlalnunpuia Khiangte (20) s/o Thangruaia, Zotlang, Aizawl; Vanrampari (18) d/o Lalthlamuana (L), Venghlui leh, Lalsangkima Hnamte (28) s/o Lalbiaktluanga Hnamte (L) Chanmari, Aizawlte an ni.

Mi pathumte'n scooty an rûkte chu a rawng, body cover leh number plate-te thlakin, Facebook kaltlangin an zuar ṭhin a; police-te chuan a bak pawh man chhuah tumin an chhui mek zel a ni.

Police-te chuan, "Mi rûk sa motor kan lei hian a tìrah a man tlâwmin lang mah se, lâk let a ngaih hunah chànna nasa zawk a thlen ṭhin avangin, mipuite i fimkhur ang u," an ti.