NITI Ayog Adviser hnathawh a enfiah

Ministry of Rural Development hnuaia NITI Ayoga adviser Dr Ashok Kumar Jain chuan, nimin khan Kolasib district-a RD department hmalakna hrang hrang leh Swach Bharat hma-laknate a hmunah a enfiah.

Dr Ashok Kumar Jain chuan, RD department hmalakna leh Swach Bharat hmalaknate chu dik taka thawh a ni tih a hmuh thu sawiin, lawmawm a tih thu leh hmachhawp an la neihte pawh Central-ah Prime Minister hoa meeting hunah sawipui a tum thu a sawi.

RD department hotute chuan an harsatnate sawiin, sum kal muang chu an harsatna ber a nih thu an sawi a; Swach Bharat bika an hmachhawp - Kolasib district tana ek-in hman tlak loh sak ṭhat
ngai 1,118 la awm chu sum a awm veleh kum khat chhunga thawh zawh tur a nih thu an sawi.

Department hotute chuan, Kolasib district khawlaiah êk hmuh tur leh ek-in thianghlim lo hmuh tur a awm tawh loh tur thu an lo hrilh a; IAY bikah chhungkua 961 waiting list an la awm thu an lo hrilh bawk.

Dr Ashok Kumar Jain hian Mualkhanga PMGSY hmanga inkalpawhna kawng km. 6.9-a thui siam te, IAY hnuaia in sak te, Swachh Bharat hmanga PHE department-in ek-in an sak te, IWMP hmalakna te, Bualpuia MGNREGA sum hmanga tuizem siam te, Thingdawla IAY hmanga chhungkaw 114 tana tuizem siam te, Kolasib-a IWMP leh MGNREGS hmanga hna thawhte a enfiah a ni.

Ministry of Rural Develop-ment NITI Aayog Adviser hi Rural Development director V Lal-sang-liana, deputy director Robert C Lal-hmangaiha leh Kolasib-a RD officer-te'n an ṭawiawm a ni.