Rinmawia'n ITI, Aizawlah certificate leh hmanrua sem

Labour, Employment & Industrial Training (LEIT) minister Lalrinmawia Ralte chuan, nimin khan ITI Aizawl-ah ITI aṭanga zirlai chhuakte hnenah certificate leh hmanrua a sem a; ITI Ai-zawl website a hawng nghal.

Lalrinmawia Ralte chuan, zirlaite chu ITI aṭanga an zir thiamte duh tawk mai lo a, eizawnna tlaka zir chhunzawm zel tur leh, hna thawk tak tak tlak leh eizawnna tlinga hmang ngei turin a fuih a, "Thiamnate hi chhawr tlak ni tur chuan thawh chhunzawm zel a ngai a, hmasawnna tur atan rilru sâwr bing thiam a ngai," a ti a; thiamna an zir chhuahte chu anmahni tan mai ni lo, mi dangte tana malsawmna nihpui turin a chah.

ITI, Aizawlah hian Mizoram Building and other Construction Wel-fare Board ṭanpuinain construction sector hnuai-ah short course train-ing - Basic Course of House Wiring, Basic Course of Architectural and civil 2D drafting with Auto-CAD, Basic Course of Buil-ding Carpenter, Basic Course of Plumber, Basic Course of Mason, Basic Course of Land Surveyor-te kalpui thar a ni a; January 2016 aṭang khan class ṭanin zirlai 64 an nei a ni.