Kar khata vawi khat squad drive neih rel

Mamit District Level Task Force (Tabacco Control) leh Anti Tabacco Squad-te chu, nimin khan Mamit bawrhsap Lalbiaksangi hoin DC conference hall-ah an ṭhukhawm a, chawlhkar khatah vawi khat tal squad drive neih an rêl.

Mamit DC chuan, zûk leh hmuam chu mihring hriselna khawih pawi thei a nih avangin sorkarin a do kawnga hmalakna a ngai pawimawh tih a sawi a, "Mamit District Anti Tobacco Squad-te hmalakna rah hmuh tur tam tak a awm tawh a, lawmman hrang hrang pawh lak a lo ni tawh. Chutih rual erawh chuan
ṭan lak sauh kan la ngai a ni," a ti.

Meeting-ah hian, anti tobacco squad drive nei a, chawlhkar khatah vawi khat tal puipunna hmuna mei zû vâia fehchhuah ni se, an ti a; sorkar pisa leh puipunna hmuna meizûk ṭhat lohzia inzirtirnate târ thar leh an rel bawk.

Mamit district-a MLA-te'n model village atana an puan khaw pathum aṭangin Dapchhuah khua chu Tobacco Free Village atan meeting chuan an thlang a ni.