MP-te model village sawiho

Serchhip District Empowered Committee on SAGY chu, nimin khan Serchhip DC conference hall-ah an ṭhukhawm a; Mizoram MP pahnihte'n model village atana an thlan, Khawlailung leh Chhiahtlang khuaa sorkar hmalak dante an thlirho a; Committe chairman leh Serchhip DC Dr Lalrozama'n a kaihruai.

Dr Lalrozama chuan, model village atan Lok Sabha MP CL Ruala'n Khawlailung leh Rajya Sabha MP Ronald Sapa Tlau-in Chhiahtlang an thlang chu lawmawm a tih thu leh sorkar department-te hmalakna lawmawm a tih thu a sawi a, "Arkhawthim daia kal a ngai a, heti chunga ṭha taka hma an la thei hi an ṭhahnemngaihna leh inpekna vang a ni," a ti.

Meeting-ah hian khaw pahnihtea hmasawnna hna thawktu department hrang hrang 28-in an hnathawh dan an sawi bakah, an hmachhawpte leh harsatnate an sawi a ni.