Union RD Minister Mizoramah

Union minister of state for Rural Deve-lopment, Sudarshan Bhagat chuan Mizoram rawn tlawhin nimin khan Kolasib leh Bil-khawthlira Rural Development ministry hnuaia hmalakna hrang hrangte a en.

Kolasib Diakkawn YMA hall-a amah lawm-na hun buatsaihah Sudarshan Bhagat chuan, "Sorkar laipuiin thingtlang mipuite a ngai pawimawh a, an hmasawnna tura sorkar hmalakna hrang hrangte a tak hmuh a, hmasawn zel tura thil pawimawhte hriatpui tura Mizorama lo kal ka ni," a ti.

Sudarshan Bhagat chuan, ram a changkan dawn chuan khawpui a chang-kan ringawt a tâwk lo tih sawiin, "Ram chhunga thingtlang khua leh mipuite pawh an changkan tel a ngai," a ti a; sorkar laipui chuan thingtlang mite hmasawnna turin theihtawp a chhuah thu a sawi.

Union Minister ṭawi-awmtu parlia-mentary secretary (RD) Lt.Col. ZS Zuala chuan, "Union Minister buai tak, hna ngah takin keini ram kilkhâwra chengte min tlawh hi state sorkar aiawhin lawmthu ka sawi a; hei hian a hna chanpual a ngaih pawimawhzia a lantir a ni," a ti.

Sudarshan Bhagat hi Nilaini khan Aizawlah a lo thleng a, State Guest House-ah Rural Development enkawl MGNREGA, IAY leh SRLM bakah, PWD enkawl PMGSY hotute a kâwm a; an hmalakna hrang hrangte leh harsatnate a sawipui a ni.