MZU-ah human rights seminar

Nimin khan Mizoram University auditorium-ah, 'Protection of Human Rights and Assuring the Unity and Integrity of the Nation' tih thupui hmangin national seminar buatsaih a ni a; National Commission for Human Rights (NHRC) member Cyriac Joseph-in a hawng.

Cyriac Joseph chuan, India ram chu hnam leh ṭawng hrang, sakhua leh culture hrang tam tak inzawmkhawmin a siam a ni tih sawiin, "Inpumkhatna leh inunauna vawng nung chunga mimal dikna chanvo humhim hi ram leh hnam suihkhawmna pawimawh a ni," a ti.

Khawvel hmun hrang hranga uni-versity-te chu zalen taka suangtuahna thar puak chhuahna leh ngaihdan sawi chhuahna hmun a ni tih sawiin, NHRC Member chuan, chutiang a nih chhunzawm zel theih nan MZU zirlaite a fuih a, zalenna an neih chu ram leh hnam inpumkhatna tichhe zawnga hmang lo turin a chah.

Seminar-ah hian MZU vice chan-cellor Prof. R Lalthantluanga, Delhi-a SP Sanjay Kumar Jain, IIT-Hyderabad-a mi Prof. Nand Kishore Acharya leh NHRC assistant director Dr SK Shukla pawhin thu an sawi a ni.