CM-in Khamphat Bungpui a tlawh

Myanmar ram tlawha zin mek, chief minister Lal Thanhawla chuan Ni-lai-ni khan Tahan-a Wesley Hospital leh Kalay Uni-versity a tlawh a; nimin khan Khampat Bûng a tlawh.

Kalay University-ah hian Chief Minister hi rector Prof. Than Win hoin thawktute'n an lo dawng-sawng a; CM Hawla chuan, Kalay University-ah hian a tam ber chu tláng mi an nih avangin Mizoram University leh School Education de-partment nena thawhho dan ngaihtuah a duh thu a sawi. CM thusawi avang hian Kalay University hotute chuan lawmawm an tih thu an sawi bawk.

Lal Thanhawla hian Wesley Hospital a tlawh-naah damdawi-in hotute ngenna angin, Mizoram nen thiamna inchhawr tawn dan leh Mizoram aṭanga spe-cialist doctor-te nen thawhho theih dan kawng ngaihtuah a tum thu a sawi.

CM Lal Thanhawla hian nimin zing khan Khampat Bûng a tlawh a, chumi hnuah nikum lama tui lian nasa taka tuartu Kanan khua a tlawh leh a ni.

Chief Minister hi Art & Culture hotu te, Central YMA leh MZP hruaitute leh Tahan-a Mizo Welfare Organization hruaite'n an ṭawiawm a ni.