CM chungah mistiri-te an lawm

Mizoram Mistiri Association (MMA) General Headquarters chuan thuchhuah siamin, chief minister Lalduhoma kaihhruai Mizoram sorkarin Mizo kutchhuak furniture a dah pawimawh chu lawmawm an tih thu an tarlang.

MMA chuan, Chief Minis-ter-in sorkar thar lak luh a nih ṭuma thu a sawiah, 'Sorkar building zawng zawngah furniture thlak a hunah Zo siam veka thlak tawh tur a ni. Hnam dang siam hman tur a ni lo,' a ti chuan Mizo mistirite a tihphùr thu a tarlang a, "Kan kutchhuak min dah pawimawhsak a, Mizo mistirite min hre reng a ni tih kan hriaa kan lawm hle a ni," an ti.

Sorkar department bungrua siamṭhat ngai a awm hunah awmze nei deuha tender chhuah tur te, a rate inang tlâng deuha siam an duh thute an tarlang a; Mizo siam ngei hmang zel turin sorkar an ngen nghal bawk.