Vawk vulh khuahkhirhna zâwm turin Aizawl Mayor-in mipui a ngen

Aizawl Municipal Corporation (AMC) mayor Lalrinenga Sailo chuan, AMC-in Aizawl khawpuia vawk vulh khuahkhirhna leh inkaihhruaina an ruahman chu zawm ṭheuh turin Aizawl mipui a ngen.

Nimina a pisaa thuthar thehdarhtute a kawmnaah Aizawl Mayor chuan, "AMC area-a vawk vulh inkaih­hruaina chungchangah inkaih­hruaina dan zâwm ṭheuh turin vawk vulhtute ka ngen. Thupek zâwm lo leh mi dangte tana hnawksak an awm chuan AMC-ah report tur a ni," a ti.

Lalrinenga Sailo chuan, laklawh bik thilah inngaihhnathiamna hun (grace period) ruahman a nih thu sawiin, "An laklawh hun chhung insiamremna hun atan chauh a ni. Vawk vulha ei zawng chhunzawm tumte chuan hmun remchang lo ngaihtuah ni se," a ti a; laklawh thila vawk vulhna sawn thei rih lo tan local council leh ṭhenawmte aṭangin pawmpuina, no objection certificate lak tur a nih thu a sawi.

Property tax chung-changah Aizawl Mayor chuan, chhiah pek chu khua leh tui ṭhate tih tur a nih avangin property tax pe ṭheuh turin Aizawl mipui a ngen a; "Tunah chuan online a pek mai theih a nih tawh avangin online hi hmang ṭangkai turin mipui kan inngen a, harsatna nei kan awm a nih chuan AMC-ah zawhfiah theih reng a ni," a ti a; zualko (complaint) duh tan AMC office-ah thehluh theih reng a nih thu a sawi bawk.