MCC-in zirlaite fuih tharna hun hmang

Mizoram Christian College (MCC) NSS unit chuan nimin khan an zirlaite pualin infuihtharna hun an hmang a, resource person Malsawmzuala Ralte, Mizoram Youth Commission(MYC) chairman-in zirlaite fuihna hun a hmang.

Inkhawm hi MCC assistant professor Vanlalpeka Rokhum-in a kaihruai a, principal Dr Tawnenga'n inlawmna thu a sawi. MYC chairman Malsawmzuala Ralte chuan, zirlaite chu tum mumal nei tura chahin, "Tum mumal tak nen hun ṭha kan neihte hman ṭangkai thiam a ngai," a ti.

Malsawmzuala Ralte chuan, sum chu mihring vanga awm a ni tih sawiin, sum harsatna indelh behtir lo tur te, kawng tinréngah taima tur leh chhawr tlâka chhuah tum ṭheuh turin zirlaite a fuih bawk.