Thingtlangah zirtirtute quarters eng emaw zat sak tum a ni - CM

Chief minister Lalduhoma chuan nimin khan a pisaah Mizoram Departmental Officers Association (MDOA) hruai­tute'n an kâwmnaah, thing­tlangah zirtirtute chenna tur in (quarters) eng emaw zat sak tum a nih thu a sawi.

CM Lalduhoma chuan, MDOA hruaitute'n sorkar hnathawk quarters indaih loh vanga harsatna awm ṭhin an thlen chungchangah, thingtlangah zirtirtu quarters eng emaw zat sak tuma ruahmanna siam a nih thu leh sorkar sum leh pai dinhmun tlangpui a hrilh a, "Kan dinhmun a ṭhat loh avangin hma kan la zung zung thei lo a, kum khat vel chu insawhngheh nan hun kan mamawh a ni," a ti.

MDOA hruaitute hian Chief Minister chu lawmpuina an hlan a, sorkar inrelbawlnaa thil pawimawh nia an hriatte an thlen bawk.