CM hoin Lengpui Airport chungchang sawiho a ni

Chief minister Lalduhoma hoin nimin khan CMO Meeting Room-ah Lengpui Airport terminal building chei ṭhat meka hmalak zel dan tur sawiho a ni a; PWD minister Vanlalhlana, CM leh GAD secretary K Lalthawmmawia bakah, GAD leh PWD hotute an tel.

Ṭhutkhawmah hian Lengpui Airport terminal building chei hna thawh mekah sorkarin contractor hnenah ṭha taka sum a pek chhuah zel laiin, hna a chak tâwk lo tih sawi a ni a; thawh tur hmabak la awmte chak taka thawh a nih theih dan tur an sawiho a ni.