Mi 15 bail dilna hnâwl

Special Judge (Preven­tion of Corruption Act) Dr HTC Lalrinchhana chuan January 19, 2024-a thiam loh a chantir tawh leh hremna tur a puan tawh, Lai Autonomous District Council (LADC)-a dan loa thil ti leh lehkha lem hmanga zirtirtu leh thawktu dang (work education teacher) lak mi 30 zinga 15-te bail dilna a hnâwl.

Spe­cial Court hian mi 30-te hi Rs 6,00,000 ṭheuh chawi turin a hrem tawh a; pawisa an chawi loh chuan kum 3 chhung jail-a táng turin a ti a ni.

Mi 30 zinga 15 chuan an pawisa chawi tur an pek avangin an zalên tawh a; mi dang 15 chuan pawisa pe loin, bail an dil. Special Court chuan bail an dilna a ngaihtuah hnuah a hnâwl a, jail-ah an tàn chhunzawm a ngai dawn a ni.