Covid-19: Mizoram dinhmun

August 30, Pathianni khan Mizoramah Covid-19 hripui vei mi pathum hmuh chhuah a ni a, nimin khan Vairengteah mi pakhat hmuh chhuah a ni bawk. Hripui vei hmuh chhuah tawh zat chu 1,012 a ni.  

Pathiannia Covid-19 vei hmuh chhuahte chu state páwn aṭanga Mizo­rama lût tur, Vairengte checkgate-a Rapid Antigen Test hmanga endikte an ni a, Assam lam mi mipa pathum, driver/handyman vek niin, harsatna nei (symptom nei) an awm lo.

August 30-a ZMC-a mi 294 (mipa 212 leh hmeichhia 82)-te swab sample endik zingah hri­pui vei hmuh an awm lo a, Lung­lei Civil Hospital labo­ratory-ah endik a awm lo. Pathianniah hian RAT hmangin Aizawl district-ah mi 612 leh Kolasib district-ah mi 37, an vaiin mi 649 (M-622, H-27) endik an ni.

Covid-19 kai hmuh tawhte chu sipaia mi 378, hnam dang driver/handyman 152 leh civil mi 482 an ni a; mi 883 chu Mizoram páwn aṭanga rawn lut an nih laiin, mi 128 chu Mizoram chhunga mi dang aṭanga kái chhâwng an ni.

Nimin tlai dar 5 thlengin Vairengte-ah mi 10,578 endik tawh zingah Covid-19 +ve 102 hmuh chhuah a ni tawh a, Mizo pahnih leh hnam dang 100 an ni.