Meizûk vangin mi 261 man

Mizoram State Anti-Tobacco Squad chuan sorkar kum (financial year) liam ta, 2022-23 chhung khan Mizoramah phal lohna hmuna mei zu mi 261 an man.

Thu dawn danin, district hrang hranga anti-tobacco squad-te chuan phal lohna hmunah mei zu an awm leh awm loh an endik ṭhin a; kum 2022-23 chhung khan phal lohna hmuna mei zu mi 261 manin, pawisa an chawitir ṭhin a, pawisa an chawitir tling khawm chu Rs 20,790 a ni. Phal lohna hmuna mei zute chu Rs 200 chawitir an ni ṭhin.

Anti-tobacco squad hi Mizorama district thar pathum - Saitual, Khawzawl leh Hnahthial tih lohah chuan din a ni vek tawh a, district bawrhsapte chu chairman niin, sorkar department hrang hrang aṭangin member an ruat ṭhin a ni.