DC hoin VC inthlan thlir lêt

Nimin khan Serchhip bawrhsap Kumar Abhi­shek hoin DC meeting hall-ah village council inthlan neih zawh tâk chu sorkar of­ficial, tlawmngai pawl leh Mizoram People Forum (MPF) hruaitute'n an thlir lêt.

Kumar Abhisek chuan, inthlana thawktute hnenah lawmthu sawiin, "Thawktu zawng zawngte leh mipui thuawihna zarah kan district-ah vote 80.61% tlain district vote tlak 

ṭhat berna kan ni," a ti a; meeting-a telte chu thawhhona ṭha leh duh­awm nei chhunzawm zel turin a chah.

Additional DC Lalmuansanga Ralte chuan, thawhhona ṭha tak vangin inthlanna felfai tak an neih thu sawiin, "Thawktute inpekna leh thawhrimna a chhuan­awm hle a ni," a ti.

MPF leh tlawmngai pawl aiawhte chuan, Serchhip DC pisaa thawktute chu thawhpui nuam an tih thu leh mahni hnaa inpe tak an nih avangin kawng engkima chêt nuam an tih thu an sawi.