Joint Assam Rifles & Army Ex-Servicemen Rally

Sipai ṭang laite leh sipai bangte leh an chhungte inhmuhkhawmna, Joint Assam Rifles & Army Ex-Servicemen Rally chu nimin khan Lammualah buatsaih a ni a; Assam Rifles director general Lt. Gen. PC Nair leh MLA pahnih - TBC lalvenchhunga leh Lt. Col. Clement Lalhmingthanga te'n an hmanpui. 

He hunah hian sipai dangte tan ei leh in, damdawi lam leh an hamṭhatna hrang hrang inhrilhhriat tharna hmun (stall) hawn a ni a, a mamawhtute hnenah wheelchair sem a ni bawk. Joint Assam Rifles & Army Ex-Servicemen Rally hi vawiinah chhunzawma zawh a ni ang.