Pa khawi dan zirho a ni

Mizoram Science, Technology & Innovation Council (MISTIC) chuan January 29, Thawhṭanni khan Directorate of Science & Technology conference hall-ah Japanese pâ ‘Shiitake’ leh Oyster pâ khàwi dan leh ultra violet (UV) hmanga pâa Vitamin-D tihpun dan zirhona an buatsaih a; Innovation Facility Centre hnuaia Mushroom Centre-ah pa pawh thar UV chhuntir chhin a ni.

Seminar on captive production of shitake and oyster and their processing for vitamin D enrichment-ah hian CSIR-IHBT scientist Dr Rakshak Kumar-a'n thil pawimawhte a sawifiah a; MISTIC leh Science & Technology péng hrang hranga officer-te an tel.

Mushroom Centre-ah pa pawh thar (fresh harvest)-te chu UV-a chhuntir chhin a ni a, UV hian pâ-in vitamin D siamtu ergosterol chu ergocalciferol (vitamin D)-ah a chantir a, mihring taksain awlsam têa a lâk luh theih turin a siam thei tih an tarlang.