Minister-in sangha khawitute training hawng

Fisheries minister Lalthansanga chuan nimin khan Fisheries Directorate conference hall-ah Mizorama sangha khawitute tan training a hawng a, Training Manual pahnih a tlangzarh nghal.

Training hi ni thum chhung awh tur niin, Indian Council of Agricultural Research-Central Institute of Fisheries Technology (ICAR-CIFT), Visakha­patnam Research Centre te buatsaih a ni a, Aizawl, Kolasib leh Mamit district aṭangin sangha khawitu mi 50 an tel.

Thupui chu 'Respon-sible Inland Fishing through Sustainable Fish Harvesting Practices' leh 'Value Addition and Hygienic Handling of Fish for Increasing Domestic Fish Consumption and Promoting Small Scale Entrepreneurship in Mizoram' tih a ni.

ICAR-CIFT scientist-te chuan sangha seng dan, sangha eitur tuihnai taka sawngbawl dan, pakaging, thianghlim taka sawngbawl dan leh sangha leh ei duhlo lai ṭangkai zawka hman dante a sawifiah bakah, sangha aṭanga eitur tuihnai leh thianghlim sawngbawl dante an zirtir dawn a ni.